انشىء مدونتك الخاصة | تسجيل الدخول
المدونة التالية

صار اشرح هالبلكون...!
23 آب, 2009

مع اني بعرف انك ما بتقرأي مدونتي، وبعرف كمان انه مو كتير فارقة معك شو بكتب، بس انا حاب اهديك هاي التدوينة، لتحطيها حلق في ودانك...

لعلمك، صار اشرح هالبلكون، لاني ببساطة تعودت على غيمة شباط اللي ما عليها رباط، يعني، ما عاد فارقة معي كتير انك تغيري رأيك بأسرع مما بتغيري كيلوتاتك.

لعلمك، حياتي ماشية فيك وبلاك، وما عدت اقبض كلامك، الي عامل متل كلام الليل، مدهون بزبدة، ولما تطلع عليه الشمس بسيح، وبضيع هباء منثورا.

اصلا، كلك على بعضك بالنسبة اللي متل زبد السيل يذهب جفاء. ومعك وبدونك هالكميون طالع دغري وموزون.

مش فارقة معي كيف ما كنتي كوني، لاني عملت اللي عليّ،،،،

 I Do It،،،،

 وحياتي ماشية، وداحلة تمام التمام، فيك وبلاك ماشية، وانت مو اكتر من تفصيل، جزء من كل، لون واحد بلوحة مزركشة...

احكيلك شي أخير، كيف ما كنت كوني، مش فارقة معي....

بس لو حصل وقرأت هاي التدوينة بحب اهديك هالاغنية، وكمان هاي...!

تعليقات

Comment Icon

ما عقلبك شر يا محمد عمر
وزمان يا حب
ودمت

بنت من هذا الزمان | 23/08/2009, 10:44 [ الرد ]

Comment Icon

واضح انك نسيانهـا :)

تحياتي لك

ميّـاسي | 23/08/2009, 11:11 [ الرد ]

Comment Icon

يسـعد صبـاحك أبـا ريــم

و شكرا كتير على أغنيتي دنيا مسعود !!

فـاخـر النـحـال | 23/08/2009, 11:15 [ الرد ]

Comment Icon

ايوه هيك يا أستاذ في ناس ما بتيجي الا بقرار حاسم . ليش المماطلة ووجع القلب وعشان شو . هي مش عارفة مين محمد عمر. شكلو الاخت مزاجية لدرجة دفعتك تكون " مش فارقة معك" . نصيحة من أخ المزاجية مش بس عند الاناث بل عند كل البشر قاتلة وبتزهق وآخر اشي بتطلع مش فاهم مع مين بتتعامل.
هيك أريح لراسك
بحييك

شخص | 23/08/2009, 13:11 [ الرد ]

Comment Icon

eddeeeloooo
neyyalak ya 3am !

Naser | 24/08/2009, 23:19 [ الرد ]

Comment Icon

وهم الرجولة ....اشباع نرجسية سمها ما شئت...زولكن ولتضامني اللا متناعي مع هذا الجنس المضطهد....عايشة وحدا بلاك...وعايفة الله وسماك....بمزح والله بمزح

محمد حمد | 29/08/2009, 21:30 [ الرد ]

اضافة تعليق
authimage
رمز التأكيد
A service provided by Al Bawaba